Priodas yr haul.

Digwyddodd unwaith, mewn hâf pur boeth, i’r chwedl fyned allan fod yr Haul yn myned i’w Briodi. Yr oedd yr holl adar a’r bwystfilod yn llawenhau yn fawr am hyn; a’r llyffaint yn enwedigol, a benderfynent gael gwyl, a gwledd iawn ar yr achlysur. Ond rhoddodd rhyw hen lyffant du daw ar eu. llawenydd, trwy sylwi, mai achos o alar, yn hytrach nag o lawenydd ydoedd, “Canys,” meddai, “os ydyw yr un Haul yn awr yn sychu y corsydd i fynu, fel nas gallwn ond prin ei ddyoddef; pa beth ddaw o honom os daw iddo hanner dwsin o Heuliau. bach yn ychwanegol?”

Cyn llawenhau llawer oblegid unrhyw ddigwyddiad, doeth yw ystyried pa beth fydd y canlyniadau.