Y carw claf

Carw a gymmerasid yn glaf, a orweddodd i lawr yn nghanol porfa fras, gerllaw i goedwig, fel y gallai gael digon o ymborth o fewn ei gyrhaedd. Ond daeth llawer o fwystfilod i ymweled ag ef, oblegyd yr oedd yn gariadus, a chan fod pob un yn pori ychydig o’r borfa, fc fwyttasant y cwbl i fynu yn fuan. Felly, er fod y Carw yn gwella o’i afiechyd; eto, yr oedd yn dihoeni gan newyn, ac yn y diwedd a gollodd ei fywyd.

Y mae ymweled o’r gwan yn waglaw, yn ddrwg; ond y mae ymweled ag ef i’w ysbeilio yn waeth.