Yr epa a’r camel

Mewn cynnulliad mawr o’r bwystfilod, safodd yr Epa i fynn i ddawnsio, a chan ei fod wedi dangos rhagoriaeth mawr yn hyny, cafodd ganmoliaeth mawr gan bawb oedd yn bresenol. Darfu i hyny ennyn cenfigen yn meddwl y Camel, ac efe a ddaeth yn mlaen i ddawnsio hefyd; ond fe wnaeth ei hun mor wrthun yn ei ymdrechiadau afrosgo, fel yr ymosododd yr holl fwystfilod arno â’u ffyn, ac a’i troisant o’r gymdeithas.

Pob un ei ddawn ei hun. “Na estynwch y fraich, yn mhellach nag y cyrhaedd eich llewis.”