Y ffermwr a’r garanod.

Haid o Aranod a ddisgynasant ar faes, yr hwn yr oedd Ffermwr newydd ei hau. Am beth amser, dychrynodd y Ffermwr hwynt ymaith trwy ysgwyd ffon-dafl wâg arnynt; ond pan ddeallodd yr Adar mai curo’r gwynt â ffon-dafl wâg yr oedd, ni ddychrynent mwy, ac ni ehedent ymaith: — ar hyn, fe daflodd y Ffermwr gerig mewn gwirionedd attynt, ac a laddodd lawer o honynt. “Gadewch i ni fyned,” ebe y gweddill, “i ryw faes arall, canys nid yw y gŵr hwn am ein bygwth yn hwy, ond y mae am ein difetha mewn gwirionedd.”

Pan ddiystyrir rhybudd, y mae yn rhaid taro.