Y llew a’r asyn yn hela

Aeth Llew ag Asyn i gytundeb i fyned allan i Hela y’nghyd. Yn fuan daethant at ogof, yn yr hon yr oedd llawer o Eifr gwylltion yn llechu. Safodd y Llew wrth enau yr ogof; a’r Asyn, gan fyned i mewn, a giciodd ac a frefodd, ac a wnaeth gynhwrf mawr, nes dychrynu y Geifr allan. Wedi i’r Llew ddal llawer iawn o honynt, daeth yr Asyn allan, a gofynodd iddo, Onid oedd ef wedi brwydro yn wych; ac wedi ymlid y Geifr yn iawn?” “Do, yn wir,” ebe y Llew, “ac yn sicr, buasech wedi fy nychrynu innau hefyd, ,oni bai fy mod yn gwybod mai Asyn oeddech.”

Pan oddefir brolwyr ymffrostgar yn nghwmni eu gwell, nid yw hyny ond er mwyn gwneyd rhyw ddefnydd isel o honynt, a chwerthin am eu penau.