Folk Tale

Vulpes et Ciconia

AuthorPhaedrus
Book TitleFabulae Aesopiae
Publication Date0
ATU60
LanguageLatin
OriginItaly

Nulli nocendum, si quis uero laeserit, multandum simili iure fabella admonet. Ad cenam uulpes dicitur ciconiam prior inuitasse, et liquidam in patulo marmore posuisse sorbitionem, quam nullo modo gustare esuriens potuerit ciconia. Quae, uulpem cum reuocasset, intrito cibo plenam lagonam posuit; huic rostrum inserens satiatur ipsa et torquet conuiuam fame. Quae cum lagonae collum frustra lamberet, peregrinam sic locutam uolucrem accepimus: 'Sua quisque exempla debet aequo animo pati'.


Text viewBook