Folk Tale
Pauo ad Iunonem de uoce sua
Translations / Adaptations
Text title | Language | Author | Publication Date |
---|---|---|---|
Juno and the Peacock | English | C. Smart | 1887 |
La Paon et Junon | French | _ | _ |
Title | Pauo ad Iunonem de uoce sua |
---|---|
Book Author | Phaedrus |
Chapter Nr. | 3.18 |
Language code | lat |
Pauo ad Iunonem uenit, indigne ferens cantus luscinii quod sibi no tribuerit; illum esse cunctis auribus mirabilem, se derideri simul ac uocem miserit. Tunc consolandi gratia dixit dea: "Sed forma uincis, uincis magnitudine; nitor smaragdi collo praefulget tuo, pictisque plumis gemmeam caudam explicas." "Quo mi" inquit "mutam speciem si uincor sono?" "Fatorum arbitrio partes sunt uobis datae; tibi forma, uires aquilae, luscinio melos, augurium coruo, laeua cornici omina; omnesque propriis sunt contentae dotibus. Noli adfectare quod tibi non est datum, delusa ne spes ad querelam reccidat."
Text view • Book