Multilingual Folk Tale Database


Information

Author: Phaedrus - 41 AD

Retold version in Latin
  by Phaedrus - 41

Source: Fabulae Aesopiae (nr. 4.04)

Country of origin: Italy

Based on The Horse and the Stag (Aesop)

Translations

English - viewaligned

French - viewaligned


Add a translation

Adaptations

Esopet (Middle Dutch) - viewaligned

Equus et Aper

Phaedrus

Equus sedare solitus quo fuerat sitim,
dum sese aper uolutat turbauit uadum.
Hinc orta lis est. Sonipes, iratus fero,
auxilium petiit hominis; quem dorso leuans
rediit ad hostem laetus. Hunc telis eques
postquam interfecit, sic locutus traditur:
"Laetor tulisse auxilium me precibus tuis;
nam praedam cepi et didici quam sis utilis."
Atque ita coegit frenos inuitum pati.
Tum maestus ille: "Paruae uindictam rei
dum quaero demens, seruitutem repperi."
Haec iracundos admonebit fabula
inpune potius laedi quam dedi alteri.