Folk Tale

*Den liebaert ende den muus

Book TitleEsopet
Publication Date1300
LanguageMiddle Dutch
OriginNetherlands

Daer in I hout sliep I liebaert. I muus liep over sinen baert. Die liebart vinc die muus ter vaert, Ende woudse doden onghespaert. ‘Ghenade,’ seit soe, ‘soete here, Verghevet mi, in doet nemmere.’ Die liebart dochte, het ware onnere Dat musekijn te quetsen sere. Oec docht hem scande, dat hijt hilde. Doe liet hijt lopen daer het wilde. Daer na gheviel, dat die liebert In I strec ghevanghen wert. Hi riep lude, hi was vervaert. Doe quam daer die muus ter vart. ‘Here,’ seit si, ‘al doet ment selden, Ic sal u quaet met goede gelden.’ Si beet ontwee met haren becke Al die bande van den strecke, Waren si cleine ofte groet, Ende halp den liebart uter noet. Dus soude die rike man den armen Verdraghen, ende sijns ontfermen. Doet hijt, hine es niet ghehoent, Bedi het wort hem wel gheloent.


Text viewBook