*Die pude sonder here

Die pude waren sonder here, Ende si beclaegden hem herde sere, Si baden herde, dat men hem gave I meester, I grave, Diese dwonghe te haren rechte Als I here doet sine knechte. Ghenen puden was ghesent I meester, dat was tserpent, Diese dwanc ende al verbeet. Dat hem was lief, was hem doe leet. Dus hebben die pude ghevaren, Die te voren weeldich waren. Hets recht, die wederseget tgoede, Dat hi hebbe armoede.