Folk Tale

*Wesel ende muus

Book TitleEsopet
Publication Date1300
LanguageMiddle Dutch
OriginNetherlands

Een wesel was soe out van daghen, Sine conste haer selven niet ontdraghen; In plumekine ginc si haer decken, Om datse woude die muus getrecken. Doe quamen daer die muse ghereet, Die de wesel al verbeet. Nu was daer I oude muus, Dat was die vroetste van den huus: Si wiste die quade treken alle Van der cat ende van der valle, Van stricken ende van alre dinc, Daer men muse mede vinc. Ten wesel quam si ghegaen: ‘Waenstu mi aldus vaen, Alse du dander hevest ghedaen? Neen du, du salter bloet afslaen. Ic weet ghenoech van dinen spele. Die langhe leeft hi siet vele.’ Dus siet men dat behendichede Beter es dan sterchede.


Text viewBook