Phukubje le legokobu

Morena Reynard,phukubje, nakong ye nngwe o kile a bona legokobu le fofela godimo ka sengwatho sa tšhese mo molomong wa lona, gomme la fihla la dula mo kalaneng ya mohlare.

"Ke ya ka, ka ge ke le phukubje, “gwa bolela Morena Reynard, gomme a lebeletše botlaseng bja mohlare.

“Dumela, Mohumagadi Legokobu,” gwa bolela phukubje. “O bonagala o le botse lehono: mafofa a gago a a phadima, mahlo a gago a a phadima. Ke na le nnete gore le lentšu la gago le bose go fetiša a dinonyana tše dingwe. Ere ke theeletše koša e tee fela go tšwa go wena, gore ke tle ke go bitše Kgošigadi ya Dinonyana”.

Legokobu, leo ka nnete le bego le sa kgone go opela gabotse la emišetša hlogo ya lona godimo, gomme la thoma go ntšha sello sa lona ka mo le ka kgonago. E rile fela ge le bula molomo wa lona sengwatho sela sa tšhese sa wela fase. Morena Reynard a se phamola ka bjako.

“Se se tla šoma,” a realo. “Ke se ke bego ke se nyaka.”

A lebelela legokobu le le kua godimo, a re: “Tšhentšhišong ya tšhese, ke tla go fa keletšo ye nnyane ya ka moso: “ O se ke wa tshepa motho wa leleme le le boreledi.”