U corvu scappatu

Un tali avia acchiappatu un corvu e, dopu chi cci attaccau un lazzu o peri, u rialau a sso figghiu. U corvu ch''un zi putia adattari a campari ntra l'omini, appena appi anticchia ri largu, scappau e turnau o so aniru. Ma u lazzu si cci mpirugghiau ne rami; e u corvu, cuannu vitti ch''un potti vulari chiù e chi oramai staia murennu, si rissi: "Disgraziatu chi ssugnu! P''un zuppurtari a schiavitù di l'omini, senz'addunariminni, mi livai a vita mia".

Stu cuntu vali pi dh'omini chi, vulennu evitari cuarche minimu rischiu, si jettanu, senz'addunarisinni, n mezz' e vai chiù rossi.