U liuni e u derfinu

Un liunu tampasiava spiaggia spiaggia, cuannu vitti un derfinu chi niscia a testa fora di l'accua, e u nmitau a fari soshietà cu iddhu, rishennucci ca eranu fatti apposta p'addivintari amishi e alliati. L'unu era re di l'armali marini, l'autru ri chiddhi rin terra. U derfinu accittau vulinteri, e u liuni, ch'avia assai ch'era 'n ghuerra cu toru sarvaggiu, u priau di vinillu a aiutari. Ma chiddhu, cu tutta a so bona vuluntà, nun putia nesciri fora di l'accua; accussì u liuni si misi a diricci chi era trarimintusu. "'Un ta pigghiari cu mmia", arrispunniu u derfinu, "ma ca natura chi mi fishi bestia ri mari e nun mi permetti r'acchianari supra a terra ferma".

Puru nuautri, fashennu n'amishizia, am'a pigghiari cu' pò aiutarini no momentu ri periculu.