Folk Tale

A taddharita e i baddhottuli

Translated From

Νυκτερὶς καὶ γαλαῖ

AuthorΑἴσωπος
LanguageAncient Greek

Other Translations / Adaptations

Text titleLanguageAuthorPublication Date
The Bat and the Weasels EnglishGeorge Fyler Townsend1867
ATU222A
LanguageSicilian
OriginGreece

'Na taddharita, caruta 'n terra, fu affirrata di 'na baddhottula e, mentri stava pi essiri ammazzata, la priava di lassalla jiri. Chiddha ci rissi ch''un putia lassalla jiri, picchì pi sso natura era nimica ri tutti l'asheddhi. Allura a taddharita cci spiecau ca iddha nun era 'n asheddhu, ma un zurci, e accussì fu lassata jiri. Appressu cariu arrè, e fu pigghiata di nautra baddhottula, e a priau d''un agghiuttisilla. Chiddha ci arrispunniu ca avia a odiu tutti li surci, e a taddharita, dichiarannu ca nun era un zurci ma 'n asheddhu, si sarvau arrè. Accussì fu ca, cun canciamentu ri nomi, a taddharita arrinisciu a scampari dui voti a la morti.

U cuntu voli riri ca nun z'hann'a usari sempri li stessi espedienti, ma stari attenti a comu scampari e periculi adattannusi e shircustanzi.


Text view