Il leon vieli e la bolp

Un leon vieli, che nol jere bon di procurâsi plui ce che al mangjave cu la fuarce, al capì che pardabon la astuzie i coventave. Tune grote il leon si ritirà e, fasint il malât, si distirave, par la cuâl, co une bestie e leve là, cul ingjan se sbafave. Un grum di bestiis za cjapât al veve cun chest so truc, co la bolp e rivà e, suspietose, fûr de grote e steve. De salût si informà. «Mâl!» i disè il leon, «Nancje a jevâmi no rivi, ma parcè no sêstu entrade? Parcè vûstu stâ fûr, e fevelâmi cussì tant slontanade?». La bolp i rispuindè: «Jo dal sigûr lu varès fat, ma o viôt dome jentrâ un grum di olmis, e nissune fûr da la tô grote lâ!».