Ukulya icisaali

Patile akantu kaikele ngeefyo

Kwali Imfumu yalikwete umwana umukashana, elyo yatile kubekala mushi nenama shonse ati uyo onse uulefwa ukupa umwana wandi akalye icisali ukwabula ukucita ati tsi tsi…..

Kashi abantu nenama shonse epakukolonga kwisano ku Mfumu nishi nabapekanya ifisali ifyalowesha nga nshi. Efyo batampile nokulya baletifye uyu nga alyakofye panono aumfwa calowesha afilwa. Kwaisa umbi, naena alyakofye panono aumfwa calowesha afilwa. Na umbi, na umbi ifyofine balefilwafye. Elyo kwaisa kakalulu kaamba nokulya icisali. Cilya kalyakofye panono kaumfwa ati calowa, elyo kaipusha Imfumu akati Mwemfumu ici icisali nacilowa sana bushe naba Mfubu bacilacitako ati tsi tsi…… bushe naba Nsofu bacilaciko ati tsi tsi….. bushe na Kolwe acicitako ati tsi tsi….. kashi kena emokalelila icisali. Efyo kapwishishe nechisali kaupa no wana wa Mfumu.

Pali kashimi kapela.