Ifyo imbwili yamenene amabala

Akale saana imbwili yalemoneka fye nge nkalamo. Tayatemenwe pantu yalefwaya ukukwata umubili uwaemba nga colwa atemwa nge ndyabuluba, nomba tayashimikileko nama shimbi ici icaleicusha mu mutima.

Ubushiku bumo ninshi iletandala, yakumanye nsoka. Insoka yaebe mbwili ati “mwe bambwili e, ine nindwala nganshi, kabili tapali nangu umo uwakunsunga.” Imbwili nayo ati, “tepapo, teico uli mubi, eco nenama shimbi shonse shikutinina. Nomba apo nulwala, cisuma, ndekwafwayako fye pali ubu lwele bwine epela.” Imbwili yatampa nokusunga insoka yasuka yapola. Insoka yatotela nganshi aiti, “wawamya saana, kuti nakupa naconse ico utemenwe ku mulandu wa luse lobe.”

Imbwili epakwasuka aiti, ‘ico mfwaya ine kukwate nkanda iisuma. Tapali cimbi nigatemwisha ukucila pali ico.”

Insoka aiti, “kuti nakupela. Nalakusuma, nomba witina, tawaumfwe ubusungu iyoo. Tupumba tweka etwalafuluma, elyo amabala yasuma yese pa mubili obe.” Insoka epakusume mbwili. Nacine amabala ayasuma yakumana umubili onse, nanomba imbwili enama iyayemba nagnashi pa nama shimbi shonse. Imbwili ne nsoka epakutemwana, na muno nshiku mwine taficushanya.