Ico isabi likalila mumenshi

Kale isabi lyaleikala ku mulundu pamo ne fibumbwa fimbi fyonse. Nomba talyali na mibele isuma. Lyena lyatemenwe fye ukwambe nama shibye nokusongelekanya. Ababiye nga balasansana lyena lyatamba lyatewa ngashi.

Awe fyasuke fibumbwa fyakumulundu fyatendwa afiti “natukepaye sabi lyafula muno umulomo eliletusongelekanya.” Awe epakulikata. Ifibumwa fyonse afiti “natulikakaike ululimi ku fiponshi epakuti limone ifyo ukupatanya abantu kwabiipa, tulifulule.” Awe fyalisenda na ku lulamba lwamumana kukuliipaya.

Nomba ico cali ubushiku, isabi lyafyontomokela mumumana, lyafyuka, nokuti filikande iyoo. Ni nomba line isabi lyaikala mu mumana, emo lyafisama, pantu takuli kumbi uko lingekaloko mumutende. Lyaikele inshite ikalamba ukwabulo kulanda ico ululimi balikakatike ku fiponshi.

Lwasuka ululimi lwaloba, nokubwela talwakabwele. Nomba nangu lushakabwele, caliwama nokuwama pantu nomba isabi lilasansamuka, lilafilwa nokusongelekanya ifibubwa fimbi ifyaba mu menshi.