Folk Tale

Ico cimbwi endela nge cilema

AuthorTisa Kabwela
LanguageBemba
OriginZambia

Bushe mwalitala amulolesha? Cimbwi tenda fye ifyenda inama mbiye. Nico bushiku bumo kalulu na cimbwi baile baletandala. Awe apashili nangu cimo cimbwi atendeka ukulaseka, aeba na kalulu ati, “yangu ee, pakumona ifyo iwe uleenda tapali nangu umo uushingaseka! Bushe ninshi utumolu utwakunuma twaba ingobe?”

Kalulu aisekasekela ati “mwa!” Cilya balafyalafya, kalulu aipusha cimbwi ati, “bushe teeti ucite ifyo nalakweba?” Cimbwi ati, “ee cinecine kuti nacita.” Kalulu epakutila, “eya! Shibata, wende cimfutiyanuma mpaka nkwebe ilyakwiminina.”

Awe iciwelewele cicimbwi cacitila umo mwine, casuka cayawila na mumukanda uwashika nganshi. Awe cabulanda saana, kuti pakufumamo amona na molu yakwe ayanuma nayafyutuka alanguluka nokulanguluka, ninshi kalulu nafulumuka nolibilo. Efyo kalulu ailadwile pali ico cilema kwati nifilya fine fyenda na kenekene kakalulu.


Text view