Folk Tale

Ico kalulumpusu akwatila umulomo uwalepuka

AuthorTisa Kabwela
LanguageBemba
OriginZambia

Kale kalulumpusu akwete umulomo uwalingana. Bushiku bumo ati kanwe umume uwawile ku cimuti camyunga, awe ailepula umulomo.

Imboo apo ili aiti, “cakukanda, ico wabela icipuba. Ngeeco ushinwena ku mumana ukunwa ababiyo cinshi?” Kalulumpusu ati, “kwena cinecine mwandi, amuti ine nalicitontonkanyapo? Awe nomba nakulakonka ifyo mwampingula.” Apo pene atampa nolubilo ukuya ku mumana.

Cilya ati anwe, amona ati ‘nikalulu munandi uyu mu menshi’ epakutontonkanya ati kanshi kanjenwene pambi. Umoalialefwaya apakunwena, nakalya, ponse aleimona mu menshi. Asuka atendwa, alaisosha nokuisosha ati ‘teeti nwe amenshi mu mumana wafulishamo bakalulu banandi umusango uyu.’ Aya nokuya. Alafipilila fye umume uukunga ku fyani uluceelo.

Ukufuma lilya line, kalulumpasu tatala aya ku mumana kukunwa amenshi iyoo; afipilila fye umume uukunga ku fyani uluceelo. Umulomo wakwe nanomba ucili uwa lepuka nga filya fine aicenene ku cimuti camyunga.


Text view