Ico cimbwi asekela

Patile akantu kaikele ngefi. Cimbwi aile aletandala mu mpanga, akakumanya kakalulu, awe afwa fye ku nseko. Cimbwi alaebo mubiye kalulu ati, “mune kalulu lyashi nshi ulenshimikilako lelo?” Kalulu ashibashibako neliso limo ati, “oo, nacimona inama iyakuti auimona iwe nga nuseka cibi.” Cimbwi nao ati, “nga yaba shani? Bushe yaba na mabutu atemwa ifikondo?”

Kalulu aasuka ati, “tayakwata mabutu nangu ifibondo. Yena amakasa yaiko kwati tumampanda twa tumuti.” Cimbwi apapa nokupapa, elyo aipusha mwensomwenso ati, “owe mune, nga amasako yaiko yamoneka shaani?” Kalulu aseka ati, “kuti yaaluko musango onse uoitemwene: uwafita, uwakashika, nangu uwamutuntula.” Cimbwi epakwipusha nomba manomano ati, “bushe yakwata amenso nga menso yesu?” Kalulu aasuka ati, “nakalya! Yena ilinso limo ilyaku kuso nga lilolesha kuntanshi, ninshi ilyakukulyo lilelolesha kunuma.

Cimbwi pakunfwa fyonse ifi, awe cacila namucipimo, awa fye ku nseko. Ecilya mumfwa cimbwi aleseko bushiku, ninshi aibukisha filya kalulu amwebele.

Mwatunganye nama Kalulu alelondolola? Ni lufwinyemba!