Abantu nefitekwa

Patile akantu kaikele ngefi.

Pali umushi umo uyo uwaiswilemo abantu abatemenwe ukulima nganshi. Kanshi balitekeleko nefitekwe fingi saana cila ng’anda. Leelo nga baima ukuya ku mabala, baleya umushi onse na baana babo. Kanshi tamwaleshalapo umuntu nangufye umo mumushi. Bonse kanshi ubwinanama bwa fitekwa epakuteeka icilye afiti, “abantu besu abatusunga balafumapo bonse eico tulebomfwila uluse. Kasnshi tufwile naifwe tulebafwako ifyo bacita.” Efyo ubwinanama bonse bwasuminishenye. Uluceelo lwakonkelepo abekala mushi bonse baima nokuya kufifwani fyabo. Ifitekwa nafyo fyaima fyaakana ne milimo yakubomba; fimbi filepyanga, fimbi filelobe sabi, fimbi ukusuke fipe, fimbi ukupela amale, fimbi ukwipika, fimbi ukucapa ifyakufwala fya bekala mushi. Ilyo abekala mushi babwelele baimininefye tondolo nokwipusha ati bushe nibani babombele imilimo yonse iyi? Efyo basambile balya nobwali. Lyonsefye ififine, lyonsefye ififine, efyo abekala mushi balandile abati “leelo tatwaye kumabala epakuti tumone ababomba imilomo muno mushi.” Ubo bushi ifitekwa tafyabombelepo imilimo nelyo imo. Ubushiku bwakonkelepo bambi balishele mumushi tabaile kumabala efyo baumfwile ng’oma shilelila nokwimba baleimba abati:

Canca mwandi canca ee kalubalala ntensha tuchinde mwandi mayo aa… kalubalala kalantensha

Lilyafye baleshana, bamonafye baisa ninshi nabafwala amatoloshi yaba shikulu babo nefitenge awe pakushana baleikontaula nemikoshi. Ninshi ifyo fitekwa elyo lintu fyamona abantu fyaumfwe nsoni. Elyo abekala mushi bafyeba abati “ee bane natumfwane, mwitutina bane. Kanshi nimwebo mutwafwe milimo nga twaya kumabala? Twatotela saana, elyo mwitutina. Twakulaikalafye bonse.” Kanshi eco abantu bekalila nefitekwa.

Nakashimi kapela.