El llobu y la yegua

Taba una yegua'n monte col so fiyín, un potrín piquiñín de namás tres díes. Atopólos el llobu, que taba muertu fame, y díxo-y a la yegua:

-Ties que dame al to fíu, si nun me lu das cómote a ti tamién.

-Vamos facer un tratu -dixo la yegua-: Si me saques un escayu que teo espetáu nuna pata, y máncame munchu, doite'l mio fiyín.El llobu acetó'l tratu y, cuandu diba saca-y colos dientes el pinchu, la yegua pegó-y una putada'n focicu y desféxo-y tola cara.

Marchó'l llobu pegando allaríos, y la yegua quedóse col so fiyín faciéndo-y veyures.