Yr hydd a’i fam

Dywedai Hydd ieuangc ryw ddydd wrth ei mam, ‘Fy mam, yr ydych yn fwy na’r ci, yn gyflymach, ac yn well eich gwynt, ac y mae genych gyrn i’ch hamddlffyn eich hun; pa beth yw yr achos, gan hynny, fod arnoch gymmaint o ofn y cwn?” Gwenai yr hen fam, ac atebai, “Mi a wn hyn i gyd yn bur dda, fy mhlentyn, ond eto, nid cynt y clywaf gyfarthiad ci, na bydd fy nhraed rywfodd yn fy nghipio i ffordd yn gynted ag y gallant.” Nis gellir ymresymu yr ofnus i wrolder.