Y teithwyr a’r fwyall

Yr oedd dau Wr yn cyd-deithio ar y ffordd, pan y darfu i un o honynt godi Bwyall oddiar y ddaear, a dywedodd, “Gwelwch pa beth yr ydwyf fi wedi ei gael.” “Na ddywedwch, y fi,” meddai ei gydymaith,” ond, y ni, wedi ei gael.” Yn mhen enyd, daeth y Dyn a gollodd y Fwyall i fynu, ac a gyhuddodd y Dyn a’i cafodd o ladrad. “Och! fi,” meddai , yntau wrth y llall, “ yr ydym wedi ein andwyo! “ “Na ddywedwch, y ni,” atebai hwnw, “ ond yr wyf fi wedi fy andwyo ; canys yr hwn ni fỳn i’w Gyfaill gyfrannu o’r anrhaith, ni ddylai ddisgwyl iddo gyfrannu o’r perygl.”

Os mynem gyfeillion mewn aflwyddiant, dylem eu hennill mewn llwyddiant.