Yr hen wr ac angau

Hên Wr wedi teithio ffordd bell gyda bwrned mawr o goed, a gafodd ei hunan mor lluddedig, fel y gorweddodd i lawr, ac y galwodd am Angau i'w waredu allan o'i fywyd truenus. Daeth Angau, yn ddioed, ar ei alwad, a gofynodd iddo pa beth oedd arno eisieu. "Attolwg, anwyl syr," ebe yntau, "a welwch chwi fod yn ddâ fy helpu i roddi y bwrned ar fy nghefn eto."

Un peth ydyw galw am angau, a pheth arall ydyw ei weled.