Yr udganwr yn garcharor

Udganwr, wedi ei gymmeryd yn Garcharor mewn rhyfel, a erfyniai yn daer am gael ei fywyd. “Arbedwch fi, anwyl ddynion,” ebe fe, “ac na roddwch fi i farwolaeth heb achos, canys ni leddais I neb, ac nid oes genyf ddim arfau, ond yr Udgorn hwn yn unig.” “Oblegyd hyny, yn bendifaddeu,” atebai y gorchfygwyr, “y cewch chwi farw; canys heb fod genych wroldeb i ymladd eich hun, yr ydych yn cyffroi ereill i ymladd a chreulondeb.”

Y mae yr hwn sydd yn cyffroi i amrafael, yn waeth na’r hwn sydd yn cymmeryd rhan ynddo.