trans-7933
Vacca et capella, ovis et leo
Title | Vacca et capella, ovis et leo |
---|---|
Book Author | Phaedrus |
Chapter Nr. | 1.05 |
Language code | lat |
Numquam est fidelis cum potente societas. Testatur haec fabella propositum meum. Vacca et capella et patiens ovis iniuriae socii fuere cum leone in saltibus. Hi cum cepissent cervum vasti corporis, sic est locutus partibus factis leo: 'Ego primam tollo nomine hoc quia rex cluo; secundam, quia sum consors, tribuetis mihi; tum, quia plus valeo, me sequetur tertia; malo adficietur si quis quartam tetigerit'. Sic totam praedam sola improbitas abstulit.
Download XML • Download text • Story • Book