Lë Korbo ek lë Rënar

Konper Korbo, anler in piédboi, Té tienbo dan son bek in formazh. Konper Rënar, ki té anbet son boush, La di alï paroli-là : « Wopé ! Adië, Mëssië Korbo. Ou lé bien zholi ! I arsanm ou lé gadianm ! M'i manti pa, si out shanté Lé parey out plïm, Ou lé lë plï zholi zoizo dann boi-là. » Lë Korbo ki antann sa, i santi alï tarzé ; Epi pou amontt son zholi voi, Lï rouver gran son bek é lï kit son manzhé shapé. Lë rënar i kap alï, épissa i di : « Mon bon Mëssië, Aprann aou tout tarzër I viv soupléyan sat i akout alï : Lamontrazh-là i vo bien inn formazh, sëmanké. » Lë Korbo, k'na ont épi lé annuiyé, La zhiré, sëman tar minm, k'i ginÿ arpï trap alï.