Text view
Sa rana ei su boe
| Title | Sa rana ei su boe |
|---|---|
| Original Title | La Grenouille qui veut se faire aussi grosse que le Boeuf |
| Original Author | Jean de La Fontaine |
| Original ID | trans-4037.xml |
| Book Author | Salvatore Patatu |
Non pius manna de un'ou de puddighina, bidende su boe bellu e rassu, e mannu, una rana s'imbufat pius de cantu podet pro arrivire a sa mantessi mannària.
“Abbàidami como” tichirriat superva. “Russa so?
“Non bastat, amiga cara”.
Ei sa rana si ufiat, si ufiat e s'imbufat fintzas a crebare che una buscica de porcu.
Burghesos, chi est pius su fumu chei s'arrustu, sennores pienos de ambissione e chena carveddu, zente chi rifiutat de istare in logu sou, cantas sunt sas ranas chei custa.