Te perete'i e te rô

I te tau ve'ave'a, te hîmene noa ra o Perete'i. A pae mahana i teie nei ua pa'a'ina mai ra te mara'amu, Aita o Perete'i i tamâ'a atu ra E po'ia iti rahi to Perete'i,

No to na po'ia iti rahi Ua tâparu o Perete'i i to na hoa te rô i te tahi mâ'a iti ia 'ore to na po'ia.

Teie te reo o Perete'i : I te tau e hoi mai ai te ve'ave'a Eita e mo'ehia ia 'u, E 'aufau ihoâ vau ia 'oe, E tâhinu ihoâ vau i te tahi ma'a moni iti na ni'a a'e

Tera râ, aita o Rô i horo'a noa mai terâ i te mea, terâ ihoâ ho'i te huru o Rô.

Teie te reo o Rô i to na hoa ia Perete'i : "E aha ta 'oe 'ohipa i te tau ve'ave'a ?"

"Te hîmene noa ra vau i terâ ra tau E aha ra ia, e fifi tenâ ?"

Teie te mana'o o Rô : "Mai te peu, i hîmene noa na ra 'oe Auê te au e !" Teie nei râ, a 'ori noa na râ.