Folk Tale
Itbir d tweṭṭuft
Translated From
La Colombe et la Fourmi
| Author | Jean de La Fontaine |
|---|---|
| Book Title | Fables Choisies |
| Publication Date | 0 |
| Language | French |
Other Translations / Adaptations
| Text title | Language | Author | Publication Date |
|---|---|---|---|
| A pomba e a formiga | Portuguese | Curvo Semedo | _ |
| Urzoa et inhurria | Basque | Jean Baptiste Arxu | 1848 |
| GÜVERCİNLE KARINCA | Turkish | _ | _ |
| Biet och duvan | Swedish | Anna Maria Lenngren | 1794 |
| Author | Lounès Amziane |
|---|---|
| Book Title | Timucuha |
| Publication Date | 2012 |
| Language | Tamazight |
| Origin | France |
Amedya nniḍen nufa-t Yis tban-d ugar taluft. Di tedyant tis snat Is-d-yeḍran i tweṭṭuft
Di terga iwumi ṣfan waman Yers-d ad yessew yetbir. Yiwet n tweṭṭuft id-yeknan, Teγli-d, yerkeb-itt lḥir. Teεṛeḍ ad d-tuγal s amkan Maca i lεum ur tezmir.
Mi tt-id-iwala yetbir Amzun di lebḥar teḥṣel, Imi yesεa deg wul-is lxir, Iεawen-itt akken ad d-terwel
Akken ad tt-yeslek deg uγraq, Yeddem-d aẓenẓun d arqaq, Iger-it armi d ttnaṣif. Taweṭṭuft γur-s tεelleq, Tezger-d armi telḥeq, Rsen iḍarren-is di rrif.
Itbir d-illan di lmendad I tweṭṭuft yufeg ifferfer. Ataya yiwen n uṣeyyad, Tama n targa-nni is-d-iffer. Yezha, lfeṛḥ-is izad; S nnican makken it-yeḍfer.
Iban imensi i tmeddit; Yak d aṣeyyad iḥercen ! Yettmenni-t-id di tmeqlit, Netta d tarwa-s ad t-ččen. Iḥulfa i lḥağa teqqes-it; D taweṭṭuft it-ikerrcen.
Yezzi-d akken ad iwali, Deg uḍar-is d acu is-d-intan. Yesla-as-d yetbir, yuli, Yefferfer s anda ur d-ittban. Imensi-nni lεali D yetbir beddlen amkan.
Text view