trans-9477
I lupi e i cani alliati
Title | I lupi e i cani alliati |
---|---|
Original Title | Λύκοι καὶ κύνες πρὸς αὐτοὺς καταλλαγέντες |
Original Author | Αἴσωπος |
Original ID | trans-4591.xml |
Dissiru i lupi e cani: "Picchì vuatri, ca siti 'n tuttu simili a nuatri, nun gniti raccordu cu nuatri comu frati? Ntra nuatri nun c'è nuddha diffirenza, sulu nall'idei. Nuatri campamu libbiri, e vuatri siti suttumissi all'omini, sirvennuli, suppurtannu i lignati chi vi runanu, purtannu u cuddharu e stannu attentu e pecuri r'iddhi. Cuannu poi mancianu, a vuatri nun vi jettanu autru chi l'ossa. Ma si dati renza a nuatri, vuatri ni cunzignati tutta a mannara di pecuri; li mittemu 'n comuni e manciamu a saziarini". I cani, allura, rettiru renzia a dhi pruposti; e i lupi, appena traseru na mannara, pi prima cosa ammazzaru i cani.
Chissa è a ricumpenza chi n' hannu i traritura.