Su corvu ei su matzone

Signor Corvu fit acroddadu subra a una nae cun unu bellu bìculu de casu in su bicu; a cando passat su crodde, atiradu dae su fiagu e dae su sabore de su casu e incomintzat a li nàrrere:

“Saludu, signor Corvu, deo non connosco puzone pius bellu de-a bois in totu su buschedu. Si est beru su chi narant chi sa boghe 'ostra est bella comente sunt bellas sas pumas, bois sezis un'Acisu”.

Intendende custos bantos su corvu diventat pius mannu de su chi fit e, chirchende de dare proa a su crodde de sa bellesa de sa famada boghe sua, aberit su bicu pro fàghere “Crò” e lassat andare su bìculu de su casu, chi su crodde leat a bolu nèndeli:

“Già ses unu bellu casamiru, cun custu pagas s'ispesa de su trabagliu de s'aduladore. Impara pro s'àtera bolta chi, si podet dare chi custa lessione balfat su casu chi ses perdende.

Su corvu castigadu, mancarri a tardu, at cumpresu e giuradu chi a s'àtera bolta non lu frigant.