Eùl carbô èt l’ èrnârd

Eùl méte carbô, su in-n-arbe bieu pèrcheu Tënwat dés s’ gros bèc in froumâje. Eùl méte èrnârd, pa ç’ flér-là ratireu, Ii a t’nu quasi té ramiâje : " Éh, bonjoû, Mossieu du Carbô. Quô ç’ quë vos ètes joli ! Èt qu’ vos m’ aveuz l’ ér biô ! Sans minti, sèz, si vo parlâje Eùt à l’ av’nant dë vo pleumâje, Vos ètes eùl fin pus biô dès ciuns qui vit’të chi. " Vlà no carbô binése come on n’ d’ a gneu l’ idée; Pou moutreu s’ vwa, sans fé d’ chichi Il oûve eùs bèc tout grand, èt lèye kè.i s’ vanée. L’ èrnârd, bieu seûr, eùl prét èt dit : " Eùm bon mossieu, Apèrdeuz qu’ in-n-avissieû Vit toudis su l’ conte du ciun qui l’ acoute. Poûr mi, l’ lëçon vôt bieu in froumâje, j’ n ‘ é gneu d’ doute. " Eùl carbô, onteûs, mô contét, A jureu n’ mîlète târd qu’ on l’ ârwat pus jamés.